غرېو نيولی مهال
د ښار پر
شونډې دې
اوږدې
اوږدې بوللي
د چوپتيا
بهاندې،
د باد پر
خوله
د شپې او
وير
پرله پسې
سندرې ....
او تور
تپلی هسک دې،
د کولکيو
په ژورو کې
مېشت.
څه
خوروونکې،
څه غرېو
نيولی مهال !!؟
[][][][][][]
د مينې سو بمني
ستا د
ښکلا د سپېڅلتياد کليسا ارغنون،
زما د
مينې د اورتون د برمنيو سرود..
ستا د
ښايست دپسرلي د رنګينو سېمفوني،
زما دمينې
د پرتم د سوبمنيو سرود!
[][][][][][]
ټيکه
ملا دا
ژوند په ما دوزخ کړ چې جنت وګټي،
هم مې د
سرو مال په بيه مال دولت وګټي...
دغه يې
نياو پر ما دا يو جهان هم نه لوروي،
خو ځانته
غواړي، هم دنيا هم اخرت وګټي!
[][][][][][]
ولسواله او دينواله
بنسټپالي
له
ولسوالۍ
فاشېزم
جوړوي
او له
دينولۍ
اخوانېزم!
[][][][][][]
زنګوهلې توره
د پلرونو
او نيکونو له دښنومې
څه ډار
نشته د جګړې په سره ډګر کې،
نه له توپ
و نه توپک و توغندي يې...
خو افسوس
چې
هغه زوړ
او تاريخي مکار غليم مې
- له دا
دومره نوو نوو جنګ اوزارو سره بيا هم -
لا هغسې د
دين ګروهې
په زړه او
زنګوهلې پڅه توره
په څټو
سره له څټه غوڅوي سر!
[][][][][][]